Sidan Omega 365 Design blei del av konsernet i 2015, har me vore deira kommunikasjonsavdeling. Arbeidet er både strategisk og operativ bedriftskommunikasjon, internt og eksternt, digitale og trykte flater. Det er alt frå design til profileringsfilm eller aktuelle saker til intranettet. Hjå oss jobbar fleire rådgjevarar dedikert med konsernet, tett på kommunikasjonsdirektør. Andre blir trekte inn ved behov, slik at Omega 365 har heile pakken in-house.

Kvardagen hjå Omega 365 spenner frå det heilt konkrete til det meir langsiktige. Me utviklar visuell profil og designmalar, produserer alt frå brosjyrar til nettsider og presentasjonar. Samstundes som me jobbar med den daglege kommunikasjonsflyten med saker både internt og eksternt. Me bistår også med rådgjeving når store eller små bodskap skal ut. Målet er alltid det same: at Omega 365 skal framstå tydeleg, samla og profesjonelt, uansett kanal eller mottakar.

Omega 365 Software Conference, som blir arrangert ved fleire lokasjonar nasjonalt og internasjonalt, er eit eksempel på ein slik heilskapsleveranse. Me designa alt til digitale og trykte flater, dokumenterte med film og foto, publiserte saker internt og eksternt, samt til sosiale medium.